O equipo de investigadores da Facultade de Farmacia da USC, do que forma parte o catedrático de Xenética Paulino Martínez, leva traballando cinco anos na identificación dos marcadores de ADN específicos de sexo en rodaballo.
Agora acaban de comercializar o marcador que permite identificar o sexo do rodaballo de acuicultura sen necesidade de esperar a que estea maduro, proceso longo que precisa ao redor de dous anos. Este paso é moi importante para avanzar na localización do xen determinante do sexo, xa que permitirá determinar se son machos ou femias cando son larvas e a partir de ahí adaptar todo o proceso de alimentación e crianza.
Paulino Martínez, quen deu unha conferencia onte sobre Aplicacións da xenómica para a mellora en acuicultura, falou tamén da necesidade de reducir ao máximo a consanguinidade nas producións de rodaballo de piscifactoría.
Fonte: La Voz de Galicia (27/01/2010).
Unha resposta
Segue a conversa, subscribe o RSS feed dos comentarios desde post.
Continua a discursion